Huwag mo akong ikahon
Na parang regalong may takdang sukat at hubog
Huwag mo akong ituring na isang drowing
Isang tanawing di na magbabago at di maglalaho
Ako ay tubig na patuloy ang daloy
Kahit anong subok ay di madadakot
Huwag mo akong ituring na isang iskript
O karakter na maaring iguhit
Hindi ako maniquin o manikang papel
Na maaring lagyan ng label
Ako ay hanging umiihip at humahambalos
Na di maaring mayapos
Huwag mo akong
Isilid
Sukatin
Timbangin.
Huwag mo akong ikahon.
No comments:
Post a Comment